صعيد مصر
صعيد مصر او مصر العليا (معروفه اكتر بـ”الصعيد“) هى حته فى مصر بتمتد من جنوب القاهره (مدينة العياط) لحد جنوب مصر (منطقة الشلالات).الجزء الشمالى من الصعيد ساعات بيتقال عليه مصر الوسطى و بيمتد من العياط لحد سوهاج.
اتسمى بالصعيد لإن ارضه كل ما اتقدمت جهة الجنوب بتعلا و ترتفع. الصعيد فى العصور الوسطى كان بيتكون من عشرين كوره هى:
- الفيوم
- منقب (دلوقتى بدرشين عيسى) و منف (ممفيس)
- اوسيم أو وسيم (بلد من اعمال الجيزه)
- الشرقيه (إطفيح)
- دلاص و بوصير (من اعمال البهنسى)
- أهناس (كانت معروف بأهناس المدينه - من اعمال البهنسى)
- القيس (من اعمال البهنسى)
- طحا (اتعرفت بطحا المدينه - من اعمال الاشمونين) و جير شنوده أو حير شنوده
- بويط
- الاشمونين و أنصنا و شطب (بضم الشين)
- أنصنا (فى البر الشرقى للنيل قدام الاشمونين)
- سيوط (اسيوط)
- قهقوه
- إخميم و الدير (نجع الدير دلوقتى جنب سوهاج و فيها الدير الابيض و هو دير الانبا بشاى) و ابشايه (اسمها دلوقتى المنشاه فى جرجا)
- هو و دندره و قنا
- قفط و الاقصر
- قوص
- اسنا و ارمنت
- اسوان.
- الغردقه
المصريين القدام كانو بيقولو على الصعيد تا شيماو (Ta Shemau) و اللى معناها ارض البوص او ارض القصب.
محافظات الصعيد
المراجع التاريخيه
- القلقشندى: صبح الأعشى في صناعة الإنشا، دار الفكر، بيروت.