Хат буолуу кэмигэр үөскүүр сырҕан бааһы утары охсуһуу аан дойдутааҕы күнэ

Хат буолуу кэмигэр үөскүүр сырҕан бааһы утары охсуһуу аан дойдутааҕы күнэ — сыл ахсын ыам ыйын 23 күнүгэр дьахтар туругар болҕомто тардаары ХНТ бэлиэтиир күнэ.

Хат буолуу кэмигэр үөскүүр сырҕан баас (нууч. Акушерский свищ) — дьахтар төрүүрүгэр үөскүүр эчэйии. Аныгы мэдиссиинэ көмөтө суох аһара уһуннук төрөөбүт дьахталларга көстөр ыарыы — төрүүр ханаал уонна хабах ыккардыгар эбэтэр төрүүр ханаал уонна көнө осоҕос ыккардыгар хайаҕас үөскүүр. Мантан сылтаан иик алла сылдьар буолуон сөп, атын хроническай ыарыылар үөскүөхтэрин сөп, ыарыы депрессияҕа уонна дьонтон тэйиигэ тиэрдиэн, быста дьадайыы төрүөтэ буолуон сөп. Маннык баастаах дьахталлар төрөөтөхтөрүнэ 90 бырыһыан оҕо куотар.

2003 сыллаахха ХНТ иһинэн үлэлиир Нэһилиэнньэ пуондата (Фонд ООН в области народонаселения, ЮНФПА) уонна атын тэрилтэлэр сырҕан бааһы суох гыныыы хампаанньатын саҕалаабыттара. Хампаанньа сыала-соруга — сайдар дойдуларга сырҕан баас сайдыылаах дойдуларга көстөрүн курдук сэдэх буоларын ситиһии.

2018 сыллаахха ХНТ Сүрүн Ассамблеята кыһалҕаны 2030 сыллаахха суох гынар туһунан резолюция ылыммыта.